Suriya Hərbi Hava Qüvvələri və Rusiya Aerokosmik Qüvvələrinə aid təyyarələr Hələb vilayətinin şərqində terrorçuların mövqelərinə hücum edib.
"Operativ Məlumat Mərkəzi-OMM" xəbər verir ki, bu barədə Suriya Müdafiə Nazirliyinin mətbuat xidməti məlumat yayıb.
Müdafiə Nazirliyinin məlumatına görə, hücum Sfiri qəsəbəsində həyata keçirilib. Nazirlik qeyd edib ki, hücum nəticəsində Rusiya və Suriya hərbçiləri onlarla terrorçunu öldürüb və yaralayıb, həmçinin hərbi texnika da məhv edilib.
