Portuqaliya millisinin və "Mançester Siti"nin yarımmüdafiəçisi Bernardo Silva karyerasını İspaniya çempionatında davam etdirə bilər.
"Operativ Məlumat Mərkəzi-OMM" xəbər verir ki, bu barədə “Defensa Central” məlumat yayıb.
Məlumata görə, 30 yaşlı futbolçunun xidmətində "Real Madrid" maraqlıdır.
Bernardonun Mançester klubu ilə müqaviləsi gələn mövsümün sonunda başa çatır.
Bu baxımdan “kral klubu” portuqaliyalı futbolçunu münasib qiymətə transfer edə bilər.
Madridlilər Silvanın komandanın yarımmüdafiəsinə yaxşı əlavə olacağına inanırlar.
Bu mövsüm yarımmüdafiəçi 40 oyun keçirib, 3 qol vurub və 4 məhsuldar ötürmə edib.
Onun dəyəri 45 milyon avro olaraq qiymətləndirilir.
