İspaniyanın “Real Madrid” klubunun akademiyasının dörd futbolçusu saxlanılıb.
"Operativ Məlumat Mərkəzi-OMM" xəbər verir ki, bu barədə klubun mətbuat xidməti məlumat yayıb.
Madrid təmsilçisinin gənclər komandalarının üzvləri azyaşlı qızın iştirak etdiyi seksual xarakterli video yaymaqda şübhəli bilinərək saxlanılıblar. Bunlardan biri “Real Madrid Kastilya”, üçü isə C komandasının oyunçularıdır.
Sözügedən futbolçuların adı açıqlanmayıb. Klub araşdırma bitdikdən sonra oyunçularla bağlı lazımi tədbir görüləcəyini bildirib.
