Azərbaycan Premyer Liqasında I turun daha bir oyunu keçirilib.
"Operativ Məlumat Mərkəzi-OMM" xəbər verir ki, günün ikinci görüşündə son çempion “Qarabağ” meydana çıxıb.
Ağdam təmsilçisi “Azersun Arena”da “Zirə”ni qəbul edib. Matçın taleyini 1 qol həll edib. Yunanıstanlı müdafiəçi Dmitrios Çantakias 48-ci dəqiqədə vurduğu topla “Zirə”yə 1:0 hesablı səfər qələbəsi qazandırıb. Çempion isə mövsümə məğlubiyyətlə başlayıb.
Qeyd edək ki, turun digər oyunlarında “Turan Tovuz” “Araz-Naxçıvan”a (3:0), “Sumqayıt” isə “Səbail”ə (4:1) səfərdə qalib gəlib. Tura avqustun 6-da keçiriləcək “Kəpəz” – “Neftçi” və “Sabah” – “Qəbələ” oyunları ilə yekun vurulacaq.
