ABŞ prezidenti Donald Tramp Rusiya prezidenti Vladimir Putinin tamamilə dəli olduğunu bildirib.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Tramp “Truth” sosial media hesabındakı paylaşımında Rusiya ordusunun Ukraynaya hücumundan sonra Putinin hərəkətlərini tənqid edib.
Putinlə uzun müddətdir çox yaxşı münasibətlərə malik olduğuna diqqət çəkən Tramp bildirib: "Bütün bunlara baxmayaraq onun başına bir şey gəlib sanki. O, tamamilə dəli olub. Gərəksiz yerə bir çox insanı öldürür. Mən həmişə demişəm ki, Putin Ukraynanın bir hissəsini deyil, bütün Ukraynanı istəyir. İndi bəlkə də bu gerçəkləşəcək, amma bunu etsə, bu, Rusiyanın dağılmasına səbəb olacaq".
