Prezident seçkilərində 78 milyondan çox ABŞ vətəndaşı erkən səs verib

78 milyondan çox ABŞ vətəndaşı noyabrın 5-də keçiriləcək seçkilərdən əvvəl erkən səsvermə fürsətindən istifadə edib.

"Operativ Məlumat Mərkəzi-OMM" xəbər verir ki, bu barədə Florida Dövlət Universitetinin dərc etdiyi məlumatda bildirilib.

Hesabata görə, 42,6 milyondan çox insan seçkilərdə iştirak edib, təxminən 35,3 milyon insan isə poçt vasitəsilə səs verib.

ABŞ-da qeydə alınmış seçicilərin ümumi sayı təxminən 168 milyon nəfərdir. Ən yüksək səsvermə Texasda (8,9 milyon səs), Floridada (8,1 milyon), Kaliforniyada (7,6 milyon), Şimali Karolinada (4,4 milyon) və Corciyada (4 milyon) qeydə alınıb.

ABŞ-da növbəti ümumi seçkilər noyabrın 5-də keçiriləcək. Respublikaçı Donald Tramp və demokrat Kamala Harris prezidentlik uğrunda mübarizə aparacaqlar.