Afət Ziyadqızı
Polşa prezidenti Anjey Duda Şimali Atlantika Alyansı (NATO) ölkələrinin ÜDM-nin 3 faizini müdafiəyə xərcləməyi təklif edib.
"Operativ Məlumat Mərkəzi-OMM" xəbər verir ki, bu barədə "TVP İnfo" kanalı məlumat verib.
“Bu gün Rusiya ÜDM-nin təxminən üçdə birini müdafiəyə xərcləyir. O, iqtisadiyyatını müharibə rejiminə keçirib, böyük bir ordu qurur və şübhəsiz ki, bütün dünya üçün böyük təhlükədir. Ona görə də mən şübhə etmirəm ki, alyans ölkələri buna cavab verməlidirlər”, - deyən Polşa Prezidenti vurğulayıb ki, ittifaq ölkələrinin ÜDM-nin 3 faizi müdafiə ehtiyacları üçündür.
Dudanın sözlərinə görə, alyans “bütövlükdə gücləndirilməli” və assosiasiyaya üzv ölkələr “təhlükəsizlik siyasətinə əməl etməli və güclü orduya malik olmalıdırlar”.
