Papa Fransisk Milad günü Rusiya və Ukraynanı sülh danışıqlarına çağırıb.
"Operativ Məlumat Mərkəzi-OMM" xəbər verir ki, bu barədə Roma Papasının Milad müraciətinə istinadən TASS məlumat yayıb.
“Silahlarımızı Ukraynada yerə qoyaq! Ədalətli dünya üçün danışıqlara, dialoqa və görüşə qapılar açmaq iradəsi olsun. Yaxın Şərqdə silahlarımızı yerə qoyaq. Fikirlərimi İsrail və Fələstindəki, xüsusən də humanitar vəziyyətin çox pis olduğu Qəzzada olan xristian icmalarına yönəldirəm”, - deyə Fransisk bildirib.
O, həmçinin bütün dünyanı sarsıdan münaqişələrin bütün tərəflərini girov və məhbusları tezliklə azad etməyə çağırıb və çıxışında Suriya, Livan və Liviyanı da xatırladıb.
