“Qalatasaray” klubunda çıxış edən nigeriyalı mərkəz hücumçu Viktor Osimhen Fransa çempionatına keçə bilər.
"Operativ Məlumat Mərkəzi-OMM" "RMC Sport"a istinadən xəbər verir ki, PSJ hücumçunun xidmətində maraqlıdır.
Parislilər qış transfer pəncərəsində klubu tərk edə biləcək Randal Kolo-Muaninin yerinə Osimheni almağı düşünür.
Viktorun türk nəhəngi ilə icarə müqaviləsi gələn il iyunun sonunda başa çatır.
Futbolçu "Napoli"yə məxsusdur.
Nigeriyalı bombardirin transfer dəyəri 75 milyon avro qiymətləndirilir. Türkiyə çempionatının cari mövsümündə Osimhen səkkiz oyun keçirib, 6 qol vurub və 3 məhsuldar ötürmə verib.
