Mehriban Vəliyeva Bakı Şəhəri üzrə Təhsil İdarəsinin müdiri vəzifəsindən azad edilərək Məktəbəqədər və Ümumi Təhsil Agentliyinin direktor müavini təyin edilib.
"Operativ Məlumat Mərkəzi-OMM" xəbər verir ki, bu barədə elm və təhsil naziri Emin Əmrullayev müvafiq əmr imzalayıb.
Hələlik onun yerinə təyinat olmayıb. M.Vəliyeva hazırda Bakı Şəhəri üzrə Təhsil İdarəsinin müdiri vəzifəsini icra edir.
Qeyd edək ki, bu yaxınlarda Elm və Təhsil Nazirliyinin keçmiş şöbə müdiri Eşqi Bağırov Agentliyin direktoru vəzifəsinə təyinat alıb.
Xatırladaq ki, Mehriban Vəliyeva müvafiq əmrlə 2020-ci il 11 dekabr tarixində Bakı Şəhəri üzrə Təhsil İdarəsinin müdiri vəzifəsinə təyin edilmişdi.
