Kilian Mbappenin “Real Madrid” karyerası rəsmən başlayıb.
"Operativ Məlumat Mərkəzi-OMM" xəbər verir ki, ulduz futbolçu “Santyaqo Bernabeu”da azarkeşlərin önünə çıxıb.
Mbappe təqdimat mərasimindən əvvəl klub prezidenti Florentino Perezlə görüşüb.
O, yeni komandası ilə 5 illik müqaviləyə imza atıb. Perez Madrid təmsilçisinin yeni ulduzuna 9 nömrəli formanı təqdim edib.
“Real” Mbappeyə 50 milyon avro məbləğində imza ödənişi edəcək. Futbolçunun illik maaşının isə 15-20 milyon aralığında olması gözlənilir.
Qeyd edək ki, Kilianın Madriddəki təqdimat mərasimini izləmək üçün təxminən 80 min azarkeş bilet almışdı.
Kilian Mbappe buna qədər Fransanın PSG komandasının futbolçusu olub.
