ABŞ prezidenti Donald Tramp federal hökumət qurumlarına nəzarətdə mühüm rol oynayan baş müşaviri İlon Maskın öz işləri ilə hökumət işləri arasında “maraqlar toqquşması” yaranarsa, dövlət işlərinə qarışmayacağını açıqlayıb.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Tramp qeyd edib ki, Mask federal hökumətin kiçilməsi, lüzumsuz xərclərin aradan qaldırılması və qurumlar üzərindəki xərc yüklərinin azaldılması kimi böyük iş görüb.
Maskın çox ağıllı və yaradıcı bir düşüncə sahibi olduğunu açıqlayan Tramp, bu səbəbdən Musk ilə çalışdığını və indiyə qədər federal qurumlarla bağlı görülən işlərdən razı qaldığını vurğulayıb.
Özünün bir çox şirkəti olan və federal qurumlardan bir çox tender alan Maskın öz biznesi ilə hökumətin biznesi arasında ziddiyyət yaranarsa necə davranacağı ilə bağlı suala Tramp, "O zaman bunlara qarışmayacaq. Onsuz da belə bir şey istəməz" cavabını verib.
