“INMerge” İnnovasiya Sammitində baş tutan mətbuat konfransında “Netflix”in həmtəsisçisi və ilk rəhbəri Mark Randolf şirkətin uğurunun əsasını açıqlayıb.
"Operativ Məlumat Mərkəzi-OMM" xəbər verir ki, onun sözlərinə görə, "Netflix"in ən böyük texnoloji yeniliyi insanların həqiqətən izləməyi sevdiyi məzmunu başa düşmək, proqnozlaşdırmaq və onlara təqdim etmək üçün analitik və texnoloji vasitələrdən istifadə etmək olub.
Randolf bildirib ki, "Netflix" işə başlayanda məqsəd uzunmüddətli sənayeni dəyişdirmək yox, video icarəsi üçün fərqli bir yol tapmaq idi.
“Biz böyük hekayələri kəşf etməyə çalışdıq, çünki bu, həm DVD-lərlə işləyir, həm də axın xidmətində”, – deyə o vurğulayıb.
Həmtəsisçi gənc CEO-lara tövsiyə edib ki, vizyonlarını müəyyən etsinlər və eyni zamanda resurslarını qorumağa diqqət etsinlər: “Pulunuz tükənməsin ki, vizyonunuzu reallaşdıra biləsiniz. Biz 2000-ci ildə internet iqtisadiyyatının çökməsinə baxmayaraq dayanıqlı iş modeli yaratmağa məcbur olduq.”
Randolf həmçinin qeyd edib ki, "Netflix"in uğuru insanların fərdi maraqlarını və baxış vərdişlərini dərindən başa düşmək və bunun əsasında məzmunu fərdiləşdirmək bacarığına əsaslanır. Bu yanaşma şirkətin dünya miqyasında milyonlarla istifadəçiyə xidmət etməsinə imkan yaradıb.
Mehman Mirzəzadə
