"Real Madrid"in müdafiəçisi David Alaba İngiltərə çempionatına keçə bilər.
"Operativ Məlumat Mərkəzi-OMM" xəbər verir ki, bu barədə Todofichajes məlumat yayıb.
Mənbənin məlumatına görə, “Mançester Yunayted” müdafiə xəttində gücləndiricilər axtararaq 31 yaşlı avstriyalının xidmətində maraqlıdır.
Qeyd edək ki, Alaba son illərdə "Real Madrid"dən "Mançester Yunayted"in düşərgəsinə keçən üçüncü futbolçu ola bilər. Daha əvvəl müdafiəçi Rafael Varan və yarımmüdafiəçi Kazemiro “Old Trafford”a keçmişdi.
Alabanın "kral" klubu ilə müqaviləsi 2026-cı ilin yayına qədərdir. Futbolçunun transfer qiyməti 40 milyon avrodur.
