"Formula 1" üzrə dünya çempionatında çıxış edən "Red Bull" komandasının pilotu Maks Ferstappen 2023 mövsümündə öz çıxışı barədə fikirlərini bölüşüb.
"Operativ Məlumat Mərkəzi-OMM" “Motorsport” nəşrinə istinadən xəbər verir ki, sürücü ən yaxşı və uğursuz hesab etdiyi Qran-pridən danışıb.
Təcrübəli idmançı Spa-Frankorşamda keçirilmiş Belçika Qran-prisində çox güclü həftəsonu keçirdiyini söyləyib. O, Yaponiya da yaxşı çıxış etdiyini bildirib: "Ən pis mərhələ isə Bakıda idi. Hadisələrin axarı mənim üçün uğurlu deyildi. Bundan razı qalmadım".
Qeyd edək ki, 2023 mövsümündə çempion olan Ferstappen 22 mərhələnin 19-da qalib gəlib. Aprelin 30-da baş tutan Azərbaycan Qran-prisində onun komanda yoldaşı Serxio Peres birinci yeri tutub. Ferstappen ikinci, "Ferrari"dən Şarl Lekler üçüncü yerlə kifayətlənib.
