Afət Ziyadqızı
Fransa Prezidenti Emmanuel Makron cümə axşamı Parisdə təcili müdafiə kabineti iclası çağırıb.
“Operativ Məlumat Mərkəzi-OMM” bu barədə Fransa rəsmilərinə istinadən xəbər verir.
Məlumata görə, iclasın gündəmində İranda ümumxalq etirazlarının güc tətbiq edilərək yatırılması məsələsi də yer alıb. Rəsmilər bu mövzunun Fransa rəhbərliyi tərəfindən diqqətlə izlənildiyini bildiriblər.
Prezident Makron X sosial şəbəkəsində gecə saatlarında paylaşdığı açıqlamada qeyd edib ki, görüş zamanı Qrenlandiya da daxil olmaqla daha geniş təhlükəsizlik məsələləri müzakirə olunacaq.
Bildirilir ki, iclas beynəlxalq təhlükəsizlik mühitində artan gərginlik fonunda keçirilib və Fransa hökumətinin mümkün risklərə qarşı mövqeyinin müəyyənləşdirilməsini hədəfləyir.
