Kuril adaları yaxınlığında 5,8 bal gücündə zəlzələ baş verib

Sakit okeanda Kuril adaları yaxınlığında 5,8 bal gücündə zəlzələ baş verib.

"Operativ Məlumat Mərkəzi-OMM" Rusiya bürosu yerli KİV-ə istinadən xəbər verir ki, bu barədə Rusiya Elmlər Akademiyasının Vahid Geofizika Xidmətinin Kuril adalarındakı filialından bildirilib."Fevralın 13-də saat 16.56-da (Moskva vaxtı ilə 8.56) 5,8 bal gücündə zəlzələ qeydə alınıb. Yeraltı təkanların episentri Kurilin yaşayış olmayan Simuşir adasından 59 kilometr cənubda yerləşib. Zəlzələnin ocağı 101 kilometr dərinlikdə olub", - deyə Yujno-Saxalinsk seysmik stansiyasının rəhbəri Yelena Semenova bildirib.

Onun sözlərinə görə, yeraltı təkanlar İturup adasında hiss olunmayıb.