Kamçatka yaxınlığında 6,3 bal gücündə zəlzələ qeydə alınıb.
"Operativ Məlumat Mərkəzi-OMM" xəbər verir ki, bu barədə Rusiya Elmlər Akademiyasının Geofizika Xidmətinin Kamçatka bölməsi məlumat yayıb.
Zəlzələ Moskva vaxtı ilə səhər saat 7:45-də Petropavlovsk-Kamçatskidən 158 km aralıda baş verib. Zəlzələnin ocağı 38,2 km dərinlikdə yerləşib. Regionun paytaxtında zəlzələnin gücü ilkin məlumatlara əsasən 4 bal gücündə qiymətləndirilir.
Qeyd edək ki, bir neçə saat əvvəl də 6,2 bal gücündə zəlzələ baş verib. Sunami təhlükəsi bildirilməyib.
