Türkiyənin Kahramanmaraş vilayətinin Türkoğlu rayonunda yerləşən qablaşdırma fabrikində yanğın baş verib.
"Operativ Məlumat Mərkəzi-OMM" xəbər verir ki, bununla bağlı TRT Haber məlumat yayıb.
Bildirilib ki, hazırda yanğına müdaxilə edilir.
Fabrikdə baş verən yanğının səbəbi hələlik bəlli deyil.
Hadisə yerinə Meşə Təsərrüfatı İdarəsinə məxsus helikopter və çoxlu sayda yanğınsöndürən briqada cəlb olunub.
Ölən və yaralananlar barədə isə hələlik məlumat yoxdur.
