Afət Ziyadqızı
Qəzza hökuməti qeyd edib ki, atəşkəsin qüvvəyə mindiyi yanvarın 19-dan bu yana İsrail tərəfindən bölgədə 270-dən çox atəşkəs pozuntusu qeydə alınıb.
"Operativ Məlumat Mərkəzi-OMM" xəbər verir ki, bu barədə Qəzza zolağı hökumətinin mətbuat xidmətlərinin rəhbəri İsmayıl əl-Savabta bildirib.
Qəzza hökumətinin mətbuat rəhbəri qeyd edib ki, İsrail yanacaq, humanitar yardım və ağır texnika idxalı ilə bağlı öhdəliklərini yerinə yetirməyərək atəşkəs sazişinin humanitar protokolunun şərtlərini pozub.
Əl-Savabta bəyan edib ki, İsrail tərəfi xəstəxanalarda və mülki müdafiə obyektlərində təmir işlərinin başlanmasına icazə vermir, həmçinin insanların müvəqqəti yerləşdirilməsi üçün tibbi avadanlıq, təcili yardım maşınları və çadırların idxalını məhdudlaşdırır.
