Qəzza hökumətinin Media Ofisindən verilən yazılı açıqlamada, İsrailin 7 oktyabrdan bəri Qəzza zolağına etdiyi hücumlarla bağlı son məlumatlar paylaşılıb.
"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.
Buna uyğun olaraq İsrail ordusu oktyabrın 7-dən bu yana Qəzza zolağında 2627 qırğın törədib.
Qəzza zolağında 146 gün ərzində həyata keçirilən hücumlarda 13 230 uşaq, 8 860 qadın həlak olub.
Hücumlar başlayandan bəri İsrail Qəzzada gündə 151-dən çox qadın və uşaq öldürüb.
70 faizi qadın və uşaq olmaqla 7 min nəfərin hələ də dağıntılar altında qaldığı və ya itkin düşdüyü bildirilərkən, xəstəxanalara çatdırılan ölənlərin sayının 30 139, yaralıların sayının isə 71 217 olduğu bildirildi.
