İranın kəşfiyyat naziri İsmayıl Xətib Vaşinqtonun əvvəlki öhdəliklərini daim yerinə yetirməməsi səbəbindən Tehranın ABŞ-a qarşı “müqavimət siyasətini” davam etdirməli olduğunu vurğulayıb.
"Operativ Məlumat Mərkəzi-OMM" xəbər verir ki, onun sözlərini "Tasnim" agentliyi sitat gətirib.
"Amerikalılar hər zaman müqavilələr bağlamağa hazırdırlar, lakin heç vaxt onlara əməl etməyiblər. Ona görə də yanaşmamızı və itaətsizlik prinsipimizi saxlamaq bizim üçün uğura aparan yeganə yoldur", - deyə o bildirib.
O hesab edir ki, ABŞ prezident Donald Tramp vəzifəyə gəldikdən sonra İrana təzyiqlərini gücləndirəcək.
“ABŞ-ın yeni administrasiyası hər gün ya bizə cəlbedici təkliflər verəcək, ya da bizi hədələyəcək”, - deyə rəsmi qeyd edib.
