Afət Ziyadqızı
Hindistanda daşqınlar təxminən 390 min insanın həyatına mənfi təsir göstərib.
"Operativ Məlumat Mərkəzi-OMM" xəbər verir ki, bu barədə Hindustan Times qəzetinin Assam Ştat Fəlakət İdarəetmə Təşkilatına (ASDMA) əsaslanaraq verdiyi məlumatda bildirilib.
Fövqəladə Hallar İdarəsi rəsmiləri daşqınlarda həyatını itirən 27 nəfərdən 7-nin Kərimqanc bölgəsindən olduğunu, Barpeta rayonundan olan 7 yaşlı uşağın da olduğu qayığın batması nəticəsində həyatını itirdiyini bildirib.
Assam əyalətinin rəsmiləri qeyd ediblər ki, 17 bölgədə 245 müvəqqəti yardım düşərgəsi yaradılıb. Rəsmilər bildiriblər ki, 171 minə yaxın köçkündən 15 min 160-ı müvəqqəti yardım düşərgələrinə yerləşdirilib.
Hindistan Meteorologiya İdarəsinin (IMD) açıqladığı məlumatlara görə, Assam əyalətində iyunun 1-dən 19-a qədər yağıntılar mövsümi normadan 50 faiz çox olub.
