Fransanın Avropa hissəsində Milli Assambleyaya (parlamentin aşağı palatası) növbədənkənar seçkilərin ikinci turu başlayıb.
"Operativ Məlumat Mərkəzi-OMM" xəbər verir ki, bu barədə “France Info” məlumat yayıb.
Səsvermə yerli vaxtla saat 08:00-dan 18:00-a qədər keçiriləcək. Paris, Lion, Tuluza, Bordo, Marsel və Monpelye şəhərlərində seçicilər səs verə biləcəklər.
Fransa Daxili İşlər Nazirliyi ilk turda 66,7 faizlə 1997-ci ildən bəri ən yüksək seçici fəallığını qeydə alıb.
Fransa parlament seçkilərinin ilk turunda Marin Le Penin Milli Ralli partiyası 33,2 faiz səslə birinci, prezident Emmanuel Makronun “Birlikdə” partiyası isə 21 faiz səslə üçüncü olub. Sol qüvvələrin alyansı olan “Yeni Xalq Cəbhəsi” 28,1% səslə ikinci yeri tutub.
