Keçən il ABŞ-nin Kaliforniya ştatında Stenford Universitetində Fələstinə dəstək nümayişlərinə qatılan və kampusdakı binaya daxil olan 12 nəfər mühakimə olunacaq.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Bildirilib ki, Santa Clara İlçe Prokurorluğu, universitetin indiki və ya keçmiş tələbələri olduğu müəyyən edilən 12 nəfərin "ağırlaşdırılmış vandalizm" və "ağırlaşdırılmış sərhəd pozuntusu" ilə ittiham ediləcəyini deyib.
Prokurorların bildirdiyinə görə, etirazçılar binanın içərisinə qraffiti boyası vurub, pəncərələri və mebelləri sındırıb, təhlükəsizlik kameralarını sıradan çıxarıb və binanın müxtəlif yerlərinə qırmızı maye, guya saxta qan səpiblər.
İstintaq çərçivəsində təqsirləndirilən şəxslərin mobil telefonlarında aksiyanın planlaşdırıldığını bildirən mesajlar və “özünü işgəncə bələdçisi” adlı sənədin tapıldığı vurğulanıb.
Yaşı 19-32 arasında olan etirazçıların bu ay San Xosedəki Məhkəmə binasında hakim qarşısına çıxacağı gözlənilir.
