Türkiyə Prezidenti Rəcəb Tayyib Ərdoğan, ABŞ prezidenti Tramp Səudiyyə Ərəbistanının vəliəhd şahzadəsi Salman və Suriya prezidenti Şara ilə Suriya sammitində onlayn iştirak edib.
"Operativ Məlumat Mərkəzi-OMM" xəbər verir ki, bununla bağlı Türkiyə KİV məlumat yayıb.
Ərdoğan Trampın Suriyaya qarşı sanksiyaları ləğv etmək qərarının tarixi əhəmiyyət daşıdığını və bunun sanksiya tətbiq edən digər ölkələrə nümunə olacağına inandığını bildirib.
Ərdoğan onlayn görüşə Prezident Külliyesindən qatılıb.
O, görüşdə Türkiyənin Suriyanın sabit, firavan, region ölkələri ilə birgə işləyən, qonşularına təhlükə yaratmayan bir ölkə olmasını arzuladığını və bunun üçün səy göstərdiyini bildirib.
