Türkiyə Prezidenti Rəcəb Tayyip Ərdoğan Kahramanmaraş şəhərində zəlzələdən zərərçəkənlərə dəstək məqsədi ilə qardaş ölkəyə yollanmış Azərbaycan könüllüləri ilə görüşüb.
Bu barədə "Operativ Məlumat Mərkəzi-OMM"-ə Azərbaycan Gənclər Fondundan məlumat verilib.
Bildirilib ki, Ərdoğan zəlzələ bölgəsində xidmət edən Azərbaycan könüllülərinə təşəkkür edib: "Xoş gəldiniz, xoş gəldiniz. Maşallah. Azərbaycanlı qardaşlarımız".
Azərbaycan könüllüləri də öz növbəsində Prezident Ərdoğana başsağlığı verib.
