"Real"ın hücumçusu Endrik klubda qalacaq.
"Operativ Məlumat Mərkəzi-OMM" məşhur jurnalist Fabrizio Romanoya istinadən xəbər verir ki, Madrid klubu qışda braziliyalı hücumçu ilə yollarını ayırmaq fikrində deyil.
Beləliklə, braziliyalının icarə əsasında İngiltərə klublarına keçə biləcəyi ilə bağlı yayılan xəbərlər həqiqətə uyğun deyil.
18 yaşlı futbolçu bu mövsüm İspaniya çempionatında "Los Blankos"un 8 oyununda iştirak edib, 1 qol vurub və 1 məhsuldar ötürmə edib.
