"Mançester Siti"nin yarımmüdafiəçisi Kevin De Bruyne hələ də klubu ilə yeni müqavilə ilə bağlı razılığa gəlməyib.
"Operativ Məlumat Mərkəzi-OMM" xarici KİV-ə istinadən xəbər verir ki, belçikalı zədə səbəbindən uzun müddət yaşıl meydanlardan kənarda qalıb. Kevin De Bruyne növbəti il meydanlara qayıdacaq.
32 yaşlı yarımmüdafiəçinin hazırkı müqaviləsi 18 ay sonra başa çatır. "Mançester Siti" rəhbərliyi yeni müqavilə ilə bağlı danışıqlara başlamaq niyyətində olsa da, qərarlarını dəyişiblər.
Xatırladaq ki, belçikalı 2015-ci ildən “Mançester Siti”də çıxış edir. Kevin De Bruyne Mançester klubunun heyətində 358 matçda iştirak edib, 96 qol vurub və 153 məhsuldar ötürmə edib.
