Danimarkanın İqlim və Enerji naziri Lars Aqard hökumətin 40 illik qadağadan sonra nüvə enerjisindən istifadə ilə bağlı araşdırmaya başladığını açıqlayıb.
"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.
Hökumətin nüvə enerjisi texnologiyalarında yeni inkişafları izlədiyini bildirən Aqard, günəş və külək enerjisi ilə yanaşı yeni nüvə enerjisi texnologiyalarından istifadənin mümkün faydaları və riskləri ilə bağlı hərtərəfli təhlillərə başlanıldığını açıqlayıb.
Aqard, bu təhlillərin başlanmasının Danimarkada 1985-ci ildən bəri qüvvədə olan nüvə enerjisi qadağasının ləğv ediləcəyi anlamına gəlmədiyini, bunun yeni texnologiyaların ölkənin enerji sisteminə inteqrasiya oluna biləcəyini anlamaq məqsədi daşıdığını ifadə edib.
Bərpa olunan enerjinin ikinci plana qoyulmayacağını bildirən Aqard, Danimarkanın uzun illərdir qəbul etdiyi enerji siyasətini davam etdirəcəyini qeyd edib.
