"Çin Ukrayna böhranının başlanğıcından bəri sülh danışıqlarını asanlaşdırmaq üçün səylər göstərir".
"Operativ Məlumat Mərkəzi-OMM" xəbər verir ki, bunu Çin Xarici İşlər Nazirliyinin sözçüsü Lin Jian RİA Novosti agentliyinə bildirib.
Onun sözlərinə görə, Pekin Rusiya və Ukrayna da daxil olmaqla bütün maraqlı tərəflərlə sıx əməkdaşlıq edir və atəşkəsə nail olmaq, eləcə də sülh danışıqlarını təşviq etmək üçün ardıcıl səylər göstərir.
Diplomat Ukrayna Prezidenti Vladimir Zelenskinin Çin tərəfinin sülh prosesinə qoşulmaq istəyi görməməsi ilə bağlı tənqidinə münasibət bildirib.
Lin Jian əlavə edib ki, Çinin səyləri beynəlxalq ictimaiyyət üçün göz qabağındadır və bu məsələdə konstruktiv rol oynamağa davam edəcək.
