Çin hakimiyyəti qəti olaraq Tayvan administrasiyasının rəhbəri Tsay İnvenin Qvatemala və Belizə səfəri çərçivəsində ABŞ-yi ziyarət etməsinə qarşıdır.
"Operativ Məlumat Mərkəzi-OMM"-in TASS-a istinadən verdiyi xəbərə görə, bunu Çin Xarici İşlər Nazirliyinin rəsmi nümayəndəsi Van Venbin bu gün bəyan edib.
Van Venbin deyib ki, rəsmi Pekin ABŞ və Tayvan arasında istənilən rəsmi əlaqəyə qarşıdır, ABŞ “Vahid Çin” prinsipinə riayət etməlidir: "Vaşinqton Tayvanda separatizm əhval-ruhiyyəsini dəstəkləməyəcəyinə dair vədinə əməl etməlidir. ABŞ rəsmiləri Tayvanla əlaqələri dayandırmalıdır. Biz növbəti dəfə Tayvan administrasiyasına xəbərdarlıq edirik. Çin qətiyyətlə suverenliyini və ərazi bütövlüyünü qoruyacaq".
