Çin İsrailin hücumları və İranın cavab tədbirləri nəticəsində gərginliyin artması fonunda İrandan 3125, İsraildən isə 500-dən çox vətəndaşını təxliyə edib.
"Operativ Məlumat Mərkəzi-OMM" xəbər verir ki, bu barədə Çin Xarici İşlər Nazirliyinin sözçüsü Quo Ciakun mətbuat konfransında bildirib.
Çinin İsraildəki səfirliyinin də 500-dən çox vətəndaşının təxliyyəsini təmin etdiyini ifadə edən Quo, İngiltərə, Hindistan və Polşadan olan vətəndaşların təxliyəsinə kömək etdiyini də açıqlayıb.
Quo Türkiyə, İran, Azərbaycan, Türkmənistan, Ermənistan, İraq, Birləşmiş Ərəb Əmirlikləri, Oman, Küveyt, Misir və İordaniyanın Çin vətəndaşlarının bu iki ölkədən evakuasiyasına köməklik göstərdiyini ifadə edərək təşəkkürünü bildirib.
Tehran və Təl-Əvivdəki Çin səfirlikləri İran və İsrail arasında münaqişə başlayandan sonra öz vətəndaşlarına təhlükəsizlik xəbərdarlığı edərək, ölkələrini tərk etmələrini tövsiyə edib.
