"ABŞ prezidenti Donald Tramp, demək olar ki, bütün dünyaya tariflər tətbiq etməklə qlobal ticarət sistemini “sərt şəkildə əyib” və bunun nəticələri qlobal olacaq".
"Operativ Məlumat Mərkəzi-OMM" TASS-a istinadən xəbər verir ki, bu sözləri Rusiya Təhlükəsizlik Şurasının sədr müavini Dmitri Medvedev deyib.
"Tramp qlobal ticarət sistemini ciddi şəkildə əydi, demək olar ki, bütün dünyaya qarşı tariflər tətbiq etdi. Nəticələri qlobal olacaq. ABŞ mallarına qarşı əks tariflər tətbiq olunacaq. Köhnə ticarət zəncirləri qırılacaq, lakin yeniləri meydana çıxacaq", - o bildirib.
Medvedev həmçinin qeyd edib ki, ABŞ-nin yeni tarifləri qarşısında Rusiyanın təlaşa ehtiyacı yoxdur: "Rusiya həm Amerika ilə, həm də Aİ ilə, ticarət edir. Demək olar ki, bütün dövriyyəyə sanksiya qoyulub. Amma biz hələ də kifayət qədər layiqli templə inkişaf edirik və 2025-ci ilin birinci rübündə artım təxminən 3% təşkil edib. Buna görə də təlaşa ehtiyac yoxdur".
