Bu gün Misli Premyer Liqasında VI tura start veriləcək.
"Operativ Məlumat Mərkəzi-OMM" xəbər verir ki, ilk oyun günündə iki görüş baş tutacaq.
Açılış matçında "Zirə" "İmişli" ilə Quba Olimpiya İdman Kompleksinin stadionunda üz-üzə gələcək. Oyun saat 15:30-da başlayacaq.
"Qartallar" 11 xalla turnir cədvəlinə başçılıq edir. Bölgə təmsilçisi isə 7 xalla 7-ci yerdədir.
Günün ikinci oyununda "Qarabağ" "Qəbələ"ni qəbul edəcək. Qarşılaşma "Azərsun Arena"da, saat 19:00-da start götürəcək.
Bir oyun az keçirən Ağdam klubu 7 xalla 5-ci, "qırmızı-qaralar" isə 4 xalla 10-cu pillədə qərarlaşıb.
Qeyd edək ki, tura sentyabrın 28-də yekun vurulacaq.
