“İsrail hökuməti sülhü deyil, Fələstin xalqının tamamilə yox edilməsini hədəfləyir. Buna icazə verə bilmərik, onların qarşısı alınmalıdır.”
"Operativ Məlumat Mərkəzi-OMM" xəbər verir ki, bu sözləri Türkiyənin xarici işlər naziri Hakan Fidan deyib.
Hakan Fidan, Səudiyyə Ərəbistanının Ciddə şəhərində keçirilən İslam Əməkdaşlıq Təşkilatının (İƏT) fövqəladə Xarici İşlər Nazirləri Şurası Toplantısının açılışında çıxış edib.
Qüdsün tarixi kimliyinin və statusunun birbaşa hücum altında olduğunu, lakin ümidli qalmağa davam etdiklərini bildirən nazir bildirib: “Burada Fələstin xalqının müqavimətini salamlayıram. Biz onların azadlıq, sülh, sabitlik və dövlətlə bağlı haqlı mübarizələrini dəstəkləyirik”.
Beynəlxalq ictimaiyyətin səfərbər edilməsinin “qaçılmaz” olduğunu və toplantının üç təcili məqsədə fokuslandığını vurğulayan Hakan Fidan, bunların müharibəni dayandırmaq, ümmətin ortaq mövqe ilə gücləndirilməsi və bu cavab üçün beynəlxalq ictimaiyyətin də səfərbər edilməsi olduğunu deyib.
“İsrailin soyqırımı davam edir. Qəzza xalqı aclıqla mübarizə aparır, yarım milyondan çox insan aclıq təhlükəsi ilə üz-üzədir. Birləşmiş Millətlər artıq Qəzzada aclıq elan edib”,- türkiyəli nazir bildirib.
