“Kristal Pelas”ın kapitanı Mark Quehi Almaniyanın “Bavariya” klubunun əsas transfer hədəflərindən biridir.
"Operativ Məlumat Mərkəzi-OMM" “Bild”ə istinadən xəbər verir ki, Münhen təmsilçisi mövsümün sonunda komandadan ayrılması gözlənilən Kim Min-Jaenin yerinə 25 yaşlı müdafiəçini ideal variant kimi görür.
Quehinin “Kristal Pelas”la müqaviləsi 2026-cı ilin iyununda başa çatır, lakin futbolçu gələn yay azad agent statusu qazanacaq.
İngiltərə millisinin üzvü ilə “Liverpul”, “Tottenhem”, “Real Madrid” və digər aparıcı klublar da maraqlanır.
“Transfermarkt” Quehinin bazar dəyərini 45 milyon avro olaraq qiymətləndirir.
