Gecə saatlarından başlayaraq sabah gün ərzində Bakının iki rayonunda su kəsiləcək.
Bu barədə "Operativ Məlumat Mərkəzi-OMM"-ə "Azərsu" ASC-dən bildirilib.
Məlumata görə, yeni parkın tikintisi layihəsi çərçivəsində ərazidən keçən magistral su xəttinin köçürülməsi və yenidən qurulması işləri ilə əlaqədar iyunun 18-də gecə saatlarından başlayaraq gün ərzində Nərimanov və Nəsimi rayonlarının bir hissəsinə içməli suyun verilməsində məhdudiyyətlər olacaq.
Qurum bununla əlaqədar abonentlərdən üzr istəyir.
