Azərbaycan və Özbəkistan arasında kosmik sahədə əməkdaşlığın inkişafı müzakirə edilib.
"Operativ Məlumat Mərkəzi-OMM" xəbər verir ki, bunu rəqəmsal inkişaf və nəqliyyat naziri Rəşad Nəbiyev “X” sosial şəbəkəsində hesabında bildirib.
“Ölkəmizdə səfərdə olan Özbəkistanın informasiya texnologiyaları və kommunikasiyaların inkişafı naziri Şerzod Şermatovla görüşdük. İki ölkə arasında rəqəmsal inkişaf, o cümlədən kibertəhlükəsizlik və kosmik sahələrdə əməkdaşlığın inkişafını müzakirə etdik", - deyə o qeyd edib.
