London İmperial Kollecinin epidemioloq və klimatoloqlarının araşdırmasına görə, bu yay Avropada anomal istilər 24 mindən çox insanın ölümünə səbəb olub.
"Operativ Məlumat Mərkəzi-OMM" xarici KİV-ə istinadən xəbər verir ki, mütəxəssislər 854 böyük şəhərdə ölüm göstəricilərini təhlil ediblər.
İyun-avqust aylarında qeydə alınan 24,4 min ölüm halının 16,5 mini iqlim dəyişikliyinin təsiri ilə izah olunur.
Tədqiqatda qeyd olunur ki, havanın temperaturu iqlim dəyişikliyi səbəbindən orta hesabla 2,2 dərəcə Selsi yüksək olub. Bu isə ölüm hallarını xeyli artırıb.
Alimlər bildirirlər ki, istilər əsasən yaşlılara daha ağır təsir göstərib: ölənlərin 85%-i 65 yaşdan yuxarı, 41%-i isə 85 yaşdan yuxarı şəxslərdir.
