"Audi"nin Belçikanın Brüssel şəhərindəki fabriki fevralın 28-də bağlanacaq.
"Operativ Məlumat Mərkəzi-OMM" xəbər verir ki, bu barədə "France 24" məlumat yayıb.
Qeyd edilib ki, Avropada avtomobil istehsal gücü azalan tələblə qeyri-mütənasib şəkildə artdığından minlərlə işçi işsiz qalacaq.
"Audi"nin Brüsseldəki fabrikində 3000 nəfər işləyirdi. "Audi" markasının daxil olduğu avtomobil istehsalçısı "Volkswagen" uzun illər ərzində tədricən genişləndirilən, lakin yüksək logistika xərclərinə məruz qalan obyektdə uzun müddətdir davam edən struktur problemlərinin olduğunu bildirib.
