"Bu gecə baş verənlərin heç bir izahı yoxdur.
"Operativ Məlumat Mərkəzi - OMM" xəbər verir ki, bunu "Real Madrid"in baş məşqçisi Karlo Ancelotti matçdan sonra mətbuat konfransında deyib.
"Bəzən daha güclü rəqibə qarşı oynayırsan. İndi növbəti mövsümə baxmaq vaxtıdır. Drama girmək məcburiyyətində deyilik. Bu komanda bu mövsüm çox yaxşı çıxış etdi və bundan sonra da çox yaxşı olacaq. Mən qalıram ki, növbəti mövsüm Çempionlar Liqası titulu uğrunda mübarizə aparaq".
Qeyd edək ki, Çempionlar Liqasının yarımfinal mərhələsi çərçivəsində keçirilən "Mançester Siti" - "Real" görüşü ev sahibi komandanın 4:0 hesablı qələbəsi ilə başa çatıb.
