Almeydadan 25-ci penalti

“Qarabağ” Azərbaycan Premyer Liqasının 30-cu turunda “Sabah”a yenilib (1:2).

"Operativ Məlumat Mərkəzi-OMM" xəbər verir ki, həmin qarşılaşmada Ağdam təmsilçisinin yeganə qolunun müəllifi olan Riçard Almeyda ölkə çempionatındakı penalti sayını 25-ə çatdırıb.

Braziliya əsilli oyunçu bunlardan 23-nü qola çevirib, digər iki imkanı qaçırıb.

Xatırladaq ki, Almeyda 21-ci əsrdə çempionatda ən çox penalti vuran oyunçudur.