Aİ Qrenlandiya məsələsini Trampla danışıqlar yolu ilə həll etmək istəyir - KİV

Avropa liderləri ABŞ-nin Qrenlandiya ilə bağlı planlarında qələbə qazandırmamaq üçün razılaşma axtarırlar.

“Operativ Məlumat Mərkəzi-OMM” “Politico” qəzetinə istinadən xəbər verir ki, diplomatların məlumatına görə, Avropa liderləri ABŞ Prezidenti Donald Trampa bu məsələdə üstünlük verməmək üçün Qrenlandiyanın gələcəyi ilə bağlı razılaşma əldə etməyə çalışırlar.

Qəzetin məlumatına görə, müzakirələr Trampın ABŞ-nin Qrenlandiyaya “ehtiyacı” olduğu və ada üzərində güc tətbiq etməyi istisna etmədiyi barədə son açıqlamalarından sonra daha da kəskinləşib.

“Politico” qeyd edir ki, Avropa liderləri ABŞ Prezidenti ilə qarşıdurmadan daha çox dialoqa üstünlük verirlər. Onlar NATO çərçivəsində Arktika regionunda təhlükəsizliyin gücləndirilməsi yollarını müzakirə edir və ABŞ-yə mineral ehtiyatlarla bağlı müəyyən güzəştlər verməyi nəzərdən keçirirlər.