Ağdam-Xankəndi dəmir yolu xəttinin tikintisi gələn il sonunadək başa çatdırılacaq.
Bunu "Operativ Məlumat Mərkəzi-OMM"-ə açıqlamasında Ağdam, Füzuli və Xocavənd rayonlarında Azərbaycan Respublikası Prezidentinin xüsusi nümayəndəsi Emin Hüseynov bildirib.
Onun sözlərinə görə, hazırda qeyd olunan dəmir yolu xəttinin tikintisi aparılır.
Emin Hüseynov qeyd edib ki, Ağdam-Xankəndi dəmir yolunun tikintisi gələn ilin sonuna başa çatdırılacaq.
Xatırladaq ki, AZCON Holdinq şirkətlərindən olan “Azərbaycan Dəmir Yolları” QSC-nin (ADY) Bakı–Ağdam–Bakı marşrutu üzrə ilk sərnişin qatarı paytaxtdan Ağdama çatıb.
Qatar bu gün Bakıdan Ağdama saat 07:10-da yola düşüb, Ağdama isə saat 11:53-də çatıb. Sərnişinlər marşrut üzrə Bakı, Biləcəri, Ucar, Ləki, Yevlax, Bərdə, Köçərli, Təzəkənd və Ağdam stansiyalarından istifadə edə biləcəklər.
