Afət Ziyadqızı
Amerika paytaxtında Şimali Atlantika Alyansı və NATO sammitinin hərəkətlərinə qarşı Ağ Evin yanında nümayiş keçirilir.
"Operativ Məlumat Mərkəzi-OMM" xəbər verir ki, bu barədə TASS məlumat yayıb.
Nəşr qeyd edib ki, etirazçılar üzərində NATO-ya müqavimət göstərməyə, sülh naminə alyansı dağıtmağa və NATO müharibələrinə qarşı mübarizə aparmağa çağıran şüarlar yazılmış plakatlarla gəliblər. Bəzi nümayişçilərin Fələstin bayraqları daşıdığı görülüb.
Yayımda deyilir ki, nümayişin keçirildiyi yerdə təxminən iyirmi hüquq-mühafizə orqanı əməkdaşı vəzifə yerinə yetirir.
