ABŞ prezidenti Donald Tramp administrasiyası yüksək səviyyəli hərbi məmurlara Ağ Evin icazəsi olmadan rəsmi olaraq terrorçu kimi təyin edilmiş hədəflərə hava zərbələri endirmək barədə qərar qəbul etməyə imkan verən yeni qaydaları təsdiqləyib.
"Operativ Məlumat Mərkəzi-OMM" xəbər verir ki, bu barədə “Military Times” portalı adı açıqlanmayan Pentaqon rəsmisinə istinadən yayıb.
O, bəyan edib ki, terrorizmlə mübarizənin effektivliyini artırmaq üçün qərarların qəbulu prosesində silahlı qüvvələrin səlahiyyət və muxtariyyətini genişləndirmək lazımdır.
Adının açıqlanmasını istəməyən Müdafiə Departamentinin rəsmisi qeyd edib ki, keçmiş ABŞ prezidenti Co Bayden administrasiyası hərbi komandirlərin fəaliyyət azadlığını “son dərəcə” məhdudlaşdırıb və bu, terror təhdidlərinə ləng cavab verməyə gətirib çıxarıb.
