İran hakimiyyəti Atom Enerjisi üzrə Beynəlxalq Agentliyin (AEBA) əməkdaşlarını bu ölkənin ərazisindəki nüvə obyektlərinə buraxmayacaq.
"Operativ Məlumat Mərkəzi-OMM" “Iran International” agentliyinə istinadən xəbər verir ki, bunu adıçəkilən ölkənin Parlamentinin sədr müavini Həmid Reza Hacı Babayi bildirib.
Onun sözlərinə görə, buna səbəb İsrail tərəfində həmin obyektlərin hazırkı vəziyyəti barədə məlumatların mövcud olmasıdır.
Qeyd edək ki, bir qədər əvvəl İranın xarici işlər naziri Abbas Araqçi AEBA ilə tərəfdaşlığın dayandırılması haqqında qanunun qüvvəyə mindiyini açıqlayıb.
