ABŞ Daxili Təhlükəsizlik Departamenti (DHS) Kuba, Haiti, Nikaraqua və Venesueladan olan yüz minlərlə immiqrantın ölkədə yaşayıb işləməsinə icazə verən müvəqqəti hüquqi statusu ləğv edib və onların ölkələrinə geri qayıtmaları üçün bildirişlər göndərib.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Bildirilib ki, ABŞ Daxili Təhlükəsizlik Nazirliyi, ABŞ-nin keçmiş prezidenti Co Bayden dövründə tətbiq edilən və tez-tez hazırkı administrasiya tərəfindən hədəf alınan immiqrasiya proqramı ilə bağlı yazılı açıqlama verib.
Açıqlamada Kuba, Haiti, Nikaraqua və Venesueladan olan yüz minlərlə insanın Birləşmiş Ştatlarda yaşayıb işləmələrinə icazə verən müvəqqəti hüquqi statusunun ləğv edildiyi bildirilib.
Hüquqi statusu ləğv edilən mühacirlərə ölkəni tərk etməli olduqları, ölkələrinə getdikləri təqdirdə səyahət yardımı ediləcəyi və 1000 dollar veriləcəyini bildirilən elektron məktublar göndərilməyə başlandığı bildirilib.
2022-ci ildən başlayaraq Bayden administrasiyası bu ölkələrdən olan 532.000 nəfərə ABŞ-də müvəqqəti yaşamaq və işləmək hüququ verib.
