Şimali Atlantika Alyansının (NATO) qoşunları faktiki olaraq Ukrayna ərazisindən keçməklə Kursk vilayətinin ərazisini işğal edib.
"Operativ Məlumat Mərkəzi-OMM" xəbər verir ki, bunu ABŞ Mərkəzi Kəşfiyyat İdarəsinin (MKİ) keçmiş analitiki Larri Conson “Dialogue Works” "YouTube" kanalında deyib.
“Bu, Qərb, NATO və ABŞ-ın Rusiyaya təcavüzüdür. Biz öz qoşunlarımızı, müvəkkil bölmələrimizi Rusiyaya gətirdik”, - deyə bildirib.
Conson vəziyyətə başqa cür baxmağı və Meksika ordusunun Rusiyanın dəstəyi ilə ABŞ-ı işğal edəcəyini təsəvvür etməyi təklif edib. Onun sözlərinə görə, Vaşinqton belə bir hücumu xüsusi əməliyyat deyil, müharibə aktı kimi qiymətləndirəcək.
O xatırladıb ki, Rusiya Kiyevin müttəfiqlərinin Ukraynanı silahla təmin etmək imkanlarından qat-qat böyük hərbi və iqtisadi potensiala malikdir.
